Menjadi acaro wajip di awal tahun untuk bawak omak samo ayah den untuk poei bocuti..Lopeh kawin maghin 2015, kewangan pun makin stabil..
Start bulan Januari 2017, den payung omak, ayah, adik opkos laki den..kami poei bocuti ko noghori torangganu darul aman. Memang esey plan nak bawak bojalan tapi tak do plan sampai torangganu..Mulo nak bawak jalan2 cuci mato ko soghomban..sampai traffic light simpang keratong, sajo nanyo2 omak nak poei mano ni..Uik laju omak jawab, omak nak poei torangganu (walaupon baru balik poei sano).
Gorak baru sampai mahsan..Pusing balik, bekomeh..masing2 packing baju...ayah bagi ayam mo itik makan..tula rutin tiap kali nak bojalan..da siap2 dalam pukol 10 lebih, gorak la kami..tido sano somalam, makan topi sungai torangganu..jalan2 poei muzium, pasar payang dan lain2 laei..sopanjang jalan poei kek hiway LPT hujan, balik pon hujan..Otw balik omak nak singgah tasik kenyir pulak, adoi poning ni..hujan2, nanti la omak yo kito plan lain..kiri kanan highway ni pon cam nak banjir da..
Januari 2018, baru sey boto2 plan nak bawak poei penang...hotel sumo book da..tinggal gorak poei sano..cumo gorak dari sungai buloh..topakso la omak, ayah mo adik den tughun sungai buloh naik Komuter dari soghomban..Malam tu gak gorak, sampai penang pagi2 suboh..lepak kat padang kota layan angin pagi..lopeh tu.g sarapan..kodai baghu bukak..lopeh tu poei taman kebun bungo..nak nunggu bukit bendero buka..sian kek ayah kono berdiri lamo nak nunggu turn naik train ke puncak bukit bendero..potang tu cek in kek TH Hotel..order makan pon lam bilik yo..ponek boto..malam jalan g avatar nengok lampu2 cantik, pusing2 ke balik pulau...ngetea kojap pastu balik bilik..ado la songah2 tompek lain..
Bulan lapan (ogos) 2018 ni, laki sey plan nak bawak omak mo abah mortua plak poei bocuti..tapi ayah den admit wad pulak..dari IJN tranfer ko HKL tranfer ko soghomban..maso plan bocuti tu ayah den admit kek HKL..den pon tak do ati da nak poei mano2..sodih bona la maso tu..pocutian cancel..serbo salah pon ado..ado la plan lain untuk repeat pocutian lain..moga2 jadi la..
Untuk omak mo ayah den..bulan januari 2019 ni kito poei tompek y dokek sikit..dorang pon da pueh dari mudo sampai sekarang morato bejalan..ayah den pon kono buek dialisis tigo kali sominggu..tak nak deh ponek sangat..nengok la mano2 tompek kito poei..